खडोस सुनुवार

खडोस सुनुवार
पूर्व सचिव, सुनुवार सेवा समाज, केन्द्रीय समिति

सुनुवार सेवा समाज केन्द्रिय समितिको आठौं सम्मेलन यही पुष ८–१०, २०६७ मा सम्पन्न गर्ने हल्ला बजारमा चलिरहेको खबर पाएँ । यो समाचार सुन्दा आफैंलाई लाज लागिरहेको छ । मैले यो चासो लिनु स्वाभाविक र नैसर्गिक अधिकार ठान्दछु । किनकि म यो समाजको एउटा सदस्य हुँ । त्यसपछि यस केन्द्रमा दुई पटक कार्यसमितिमा र एक पटक प्रकाशन समितिको सम्पादक पदभारको जिम्मेवारी वहन गरेको छु ।
म सुनुवार सेवा समाजको छैठौं कार्यकालको सचिव हुँ । यस हिसाबले यस संस्थाको म एउटा निवर्तमान पदाधिकारीको हैसियतले सुनुवार सेवा समाज केन्द्रीय समितिका वर्तमान पदाधिकारीहरुले विधानलाई कुल्चिएर आफूखुसी काम गरेको र एकतर्फी रुपमा अवैधानिक काम गरेको कुरा आम सुनुवार समुदायलाई भन्नै पर्छ । यो मेरो दायित्व सम्झेको छु ।
वर्तमान कार्यसमिति २०६४ सालको असोज महिनाको १३, १४ र १५ गते (अझ १६ गते विहान ६:०० बजेसम्म) समय लगाएर सातौं सम्मेलन आयोजना गरी निर्माण गरिदिएको कार्य समिति हो । यो समितिमा २३ जना सदस्यहरुको कार्य समिति रहेका छन् । २१ जना सम्मेलनबाट निर्वाचित सदस्य र २ जना सुनुवार विद्यार्थी समाजको अध्यक्ष र सुनुवार महिला समाजको अध्यक्ष पदेन सदस्य रहेका छन् । Read More

खडोस सुनुवार
पूर्व सचिव, सुनुवार सेवा समाज, केन्द्रीय समिति

यही २०६७।०८।१८ गते सुनुवार सेवा समाज काठमाडौं उपत्यका क्षेत्रीय समितिको सम्मेलन सम्पन्न भयो भन्ने खबर  www.sunuwar.org को समाचारदाताले फोन गरेर मलाई पनि उक्त सम्मेलनको वारेमा सोधे पछि थाहा पाएँ । यस्तो खबर पाएपछि समाजको विकास र उन्नति हुनु राम्रो हो भन्ने लाग्यो । तर भोलिपल्ट वेभसाईट खोलेर हेरेपछि जिल्ला समितिहरुको अनुपस्थिति रहेको पाएँ । अनि यस समितिको विगततिर पनि फर्किएर हेरेँ । यो समितिको अघिल्लो सम्मेलन २०६३ सालमा भृकुटी मण्डपस्थित नेपाल ल क्याम्पसको हलमा सम्पन्न भएको हो । सालको हिसाब गर्दा अहिले पाँच वर्ष भइसकेको रहेछ । त्यसपछि सुनुवार सेवा समाजको विधानतिर पनि सम्झिन मन लाग्यो ।
संशोधित विधान (२०६४) हेर्दा केन्द्रीय समितिको हकमा परिच्छेद– ४ को दफा ११ को साधारण सभा÷सम्मेलन शिर्षकको (क) मा “प्रत्येक १/१ वर्षमा वार्षिक साधारण सभा र प्रत्येक ३/३ वर्षमा राष्ट्रिय सम्मेलन बोलाइने छ । तर आवश्यक परेमा अगावै पनि बोलाउन सकिने छ । यस सभा÷सम्मेलनमा देहाय बमोजिम तोकिएका सदस्य वा प्रतिनिधिहरूले मात्र भाग लिन र मताधिकार रहनेछ । अन्य सदस्यहरूको हकमा केन्द्रीय समितिको निर्णयले तोके अनुसार पर्यवेक्षकको रुपमा रहन सक्ने छन् ।” भनिएको छ । Read More