News

सुनुवार डट ओआरजि सम्वाददाता
सिओल, सेप्टेम्बर २७ । दक्षिण कोरियामा कार्यरत सुनुवारहरुले सुनुवार सेवा समाज शाखा गठन भएको छ । दक्षिण कोरियामा कार्यरत सुनुवारहरुको एक भेलाले कुमारी रेष्टुरेन्टमा आयोजना गरिएको सुनुवार भेटघाट तथा अन्तरक्रिया कार्यक्रममा हुसन सुनुवारको अध्यक्षतामा १३ सदस्यीय समिति गठन भएको छ । जसमा उपाध्यक्ष तोरण सुनुवार, सचिव हर्क सुनुवार, कोषाध्यक्ष सुवास सुनुवार र सदस्यहरुमा सपना सुनुवार, तृशा सुनुवार, सुशिल सुनुवार, राम सुनुवार, सन्देश सुनुवार, विवेक सुनुवार, कृष्ण सुनुवार, बेद सुनुवार रहेका छन् । जसमा बालकृष्ण सुनुवार र सुमन सुनुवार सल्लाहकार रहेका छन् ।
कोरियामा रहेका सम्पूर्ण सुनुवारहरु आफ्नो कार्य व्यवस्ताले एक ठाउँमा भेला हुन नसके पनि आगामी दिनमा सकेसम्म सम्पूर्णलाई भेला गरी अगाडि बढ्ने कुरा सल्लाहकार बालकृष्ण सुनुवारले बताए । सुनुवारहरुलाई एकबद्ध गरी संगठित गर्न निकै जटिल भए पनि पहिलो प्रयासमा उत्साहजनक रुपमा उपस्थिति रहेको सचिव हर्क सुनुवारले खुशी व्यक्त गर्दै बताए ।

विभिन्न देशमा छरिएर रहेका सुनुवारहरुको एकताका लागि चलाउँदै आएको अभियान अन्तर्गत सो दक्षिण कोरिया शाखा गठन गरिएको छ । जस अन्तर्गत दक्षिण कोरियामा रहेका सुनुवारहरुको एक अर्कामा हातेमालो गर्दै आफ्नो भेषभूषा र संस्कृतिलाई जिवन्त राख्न अभियान चलाएको कुरा अध्यक्ष सुनुवारले बताए । यसैक्रममा एनआरएनए सदस्य तथा सुसेस कतार शाखाका भू.पू. अध्यक्ष किशोर सुनुवारले सुनुवारहरुको एकआपसमा सहयोग गर्ने थलोका रुपमा संस्थालाई विकास गर्नुपर्ने कुरा बताउँदै केही महिनाभित्र जापानस्थित शाखा गठन गर्ने योजना रहेको कुरा पनि बताए ।

गत ३१ मे आइतबार नेपाल आदिबासी जनजाति महा संघ बेलायतको दोस्रो महाधिबेशनले बेलायत छन्त्याल संघका तुल छन्त्याललाई अध्यक्ष पदमा चयन गरेको छ ! यसै गरि बरिष्ठ उपाध्क्षमा किरात सुनुवार सेवा समाजका पुर्व अध्यक्ष तथा बर्तमान सल्लाहकार जंग सुनुवार ,उपाध्क्षमा देबीमाया पुन र लोकेन्द्र लिम्बु ,महा सचिव कर्म शेर्पा ,सचिव जगत गुरुङ ,कोषाध्यक्ष पेम्बा शेर्पा र सह कोषाध्यक्ष पूर्ण दुरा चयन भएका छन् भने बेलायतमा रहेको ११ वटा जातिय संस्थाबाट एक एक जना कार्य समितिका लागि महा संघका सदस्य रहनेछन !

–भानु सुनुवार
सुनुवार डट ओआरजी

दोहा कतार, २४ अप्रिल । किरातीहरुको महान चाड तथा राष्ट्रिय पर्व उभौली यक्वा तङनाम, साकेला उभौली र शाँदारपिदार–५०७५ कतारमा भव्यताका साथ मनाउने भएका छन् ।

किरात समुदाय सुनुवार, राई, लिम्बू र याक्खाले उधौली र उभौली गरेर वर्षको २ पटक प्रकृति तथा पूर्खा पुजा गर्ने परम्परालाई घरदेशदेखि परदेशसम्म निरन्तरता दिदैँ आएका छन् । यसरी मनाइने चाडहरु विशेष गरी अन्नबाली सप्रियोस, सहकाल होस् भन्ने कामना गर्दै यो पर्व मनाइन्छ ।

किराती बस्तिहरुमा धुमधामसाथ उभौली चाड मनाउँने प्रचलनलाई निरन्तरता दिन कतारमा स्थापित तीन किराती संस्थाहरु किरात याक्थुङ चुम्लुङ कतार, किरात राई यायोक्खा शाखा कतार र सुनुवार सेवा समाज शाखा कतारको संयुक्त आयोजनामा भव्याताका साथ सफल पार्न किरात याक्थुङ चुम्लुङ कतारका अध्यक्ष मनकुमार आङ्बोको संयोजकत्वमा मूल कमिटीसहित विभिन्न समिति गठन गरीएको छ ।

आगामी ८ मे शुक्रवारका दिन हुने कार्यक्रममा तीनवटै संस्थाहरुले आ–आफ्नो परम्पराअनुसार प्रकृति र पितृ पूजा गर्ने तथा विविध झाँकीसहितको साँस्कृतिक कार्यक्रम प्रस्तुत गरेर मनाउने भएका छन् ।

सुनुवार डट ओआरजी
दोहा, ११ अप्रिल ।
कतारस्थित नेपाली राजदूतावासले राहदानी (एमआरपी) वितरण गर्ने कार्यमा सुनुवार सेवा समाज कतार शाखाले स्वयंसेवकका रुपमा सहयोग गरेको छ । सो राहदानी (एमआरपी) वितरण कार्यक्रममा करिव ४१४ जना नेपालीहरुले आफ्नो राहदानी (एमआरपी) वितरण गरेको कुरा संस्थाका उपाध्यक्ष सामयुल सुनुवारले बताए ।
एनआरएनए एनसीसी कतारको संयोजनमा भएको सो राहदानी वितरणमा राहदानी (एमआरपी) लिन आउने नेपालीहरुलाई सुनुवार सेवा समाज कतार शाखाले पिउने पानी निःशुल्क उपलब्ध गराउनुका साथै राहदानी लिनका लागि सहज भूमिका निर्वाह गरेको थियो । नेपालीहरु कतारको विभिन्न भागमा रोजगारीका लागि पुगेको र आफ्नो राहदानी (एमाआरपी) को सन् २०१५ भित्र डिजिटालाइज्ड गर्नुपर्ने अन्तर्राष्ट्रिय मापदण्ड अनुरुप सो कार्य गरेको कुरा एनआरएनएका प्रतिनिधिले बताए ।
सुनुवार सेवा समाज कतार शाखाका लागि कवि तथा नियात्राकार केदार संकेतज्यूले’सङ्केतका कविताहरु’ १४ प्रति कविता संग्रह र’अफिम फूल्ने देशमा’ २० प्रति, खण्ड काब्य उपलब्ध गराई सहयोग गर्नु भएको थियो ।

सुनुवार डट ओआरजि समाचारदाता
काठमाडौं । नेपाल पर्यटन बोर्ड भिकुटी मण्डपको अडिटोरियम हलमा परम्परगत बाद्यवादन सहित माननीय वाणिज्य तथा आपर्ूर्ति मन्त्री सुनिल बहादुर थापाले गायिक रेस्मा सुनुवारलाई प्रमाण पत्रसहित रु. २० हजार नगद पुरस्कार प्रदान गर्नु भयो । विगत सात वर्षेखि सुनुवार भाषा, कला संंस्कृति, साहित्यको विकासको लागि प्रोत्साहन स्वरुप वर्षा एक पटक दाल मान अक्षय कोषले दालमान पुरस्कार दिइँदै आएको छ । विगतका दिनमा साहित्य तथा अनुसन्धानमूलक पुस्तकलाई प्रदान गरिँदै आएको पुरस्कार यस पटक संगीत क्षेत्रका श्रष्टालाई दिइएको हो । गायिक रेस्मा सुनुवारले अहिलेसम्म सात वटा कोइँच गित गाउनु भएको छ । भूपु माननीय सभासद दालकुमारी सुनुवार र व्रिटिश गोर्खा लेप्टिनेन्ट मानबहादुर सुनुवारले आफ्नै नाममा रु. २ लाखबाट शुरु गरिएको यस कोषको कोष रासी अहिले ५ लाख पुगेको कोसको सल्लाहकार कर्र्णोल राजेन्द्र प्रसाद सुनुवारले जानकारी गराउनु भयो ।
पुरस्कार समरोहलाई सम्बोधन गर्ने क्रममा प्रमुख अतिथि थापाले यस कार्यक्रमले कोइँचको पहिचानलाई बढोत्तरी गरेको र कोइँचको पहिचानको बारेमा अहिलेसम्म आफु पनि अनभिज्ञ भएको हुँदा पुरस्कार वितरण कार्यक्रम उहाँ आपै+mलाई पनि शिक्षाप्रद भएको बतााउनु भयो । कार्यत्रमको सभाध्यक्ष सुनुवार सेवा समाजका केन्द्रीय अध्यक्ष मनप्रसाद सुनुवारले गर्नुभएको थियो ।

नेपालको पहिलो आदिवासी जनजाति रेडियो, रेडियो लिखुलाई इन्डिजिनिअस मिडिया फाउण्डेशनबाट दर्ुइ वटा जुम रर्ेकर्डर सहयोग प्राप्त भएको छ । सबै आदिवासी जनजाति कोइँच दाजुभाई दिदीबहिनीलाई सहयोगको लागि अनुरोध गरिन्छ ।