News

२९ वैशाख, ललितपुर । दोस्रो आदिवासी जनजाति कप २०७३ को समूह चरणको अन्तिम खेलमा सुनुवार सेवा समाज ललितपुर, सुनुवार विद्यार्थी समाज, मगर फुटबल टीम र नेवा युथ क्लब क्वाटरफाइनलमा प्रवेश गरेका छन् । सुनुवार सेवा समाज ललितपुरले आयोजक किरात कोइँच स्पोर्टस् क्लबलाई ट्राइब्रेकरमा र सुनुवार विद्यार्थी समाजले मंगोलियन ग्रुपलाई ट्राइबे्रेकरमा हराए । त्यसैगरी मगर फुटबल टिमले मंगोलियन युथलाई ३—० मा पराजित गरे भने नेवा युथ क्लबले रस्नालु युनाइटेडलाई २—१ हराए । आयोजक टिम र सुसेस ललितपुरको खेल १—१ गोलमा टुंगिएपछि ट्राइबे्रकरमा हार व्यहोर्नुपरेको थियो ।
क्वाटरफाइनल खेल वालुङ युथ र सुनुवार अञ्चल ट्याक्सीव्यवसायी, दुरा समाज र लिखु भुजी रामेछाप, मगर फुटबल टिम र सुनुवार विद्यार्थी समाज तथा सुनुवार सेवा समाज ललितपुर र नेवा युथ क्लबबीच हुने भएको छ ।

सुनुवार डट ओआरजी समाचारदाता ।
२८ वैशाख, ललितपुर। दोस्रो आदिवासी जनजाति कप २०७३ को दोस्रो दिनको खेलमा सुनुवार अञ्चल ट्याक्सी व्यवसायी संघ, दुरा समाज र लिखुभुजी रामेछाप विजय भएका छन् । सुनुवार सेवा समाजविरुद्ध सुनुवार अञ्चल ट्याक्सी व्यवसायी संघले २–१ ले गोल अन्तरले जित हात पारे । सुनुवार सेवा समाज भक्तपुरका जर्सी नं. १६ ले खेल सुरु भएको ५ मिनेटमा सुदन गोसलले गोल गरेका थिए भने दोस्रो हाफमा सुनुवार अञ्चल ट्याक्सी व्यवसायी संघका जर्सी ९ लोक पुनमगरले ५२औं मिनेटमा गोल फर्काए । त्यसैगरी ६१औं मिनेटमा जर्सी नं. ७ का सुजन मगरले अर्को गोल थप्दै जित सुनिश्चित पारे ।
दोस्रो खेलमा सुनुवार समाज बचत तथा ऋण सहकारी संस्था लि. विरुद्ध दुरा समाजले ०–५ गोल अन्तरले जित हात पारे । दुरा समाजका जर्सी १० का निर्मल दुराले २० मिनेटमा गोलको खाता खोले भने जर्सी नं. ४ का सञ्जोग दुराले ३५ र ३७औं मिनेटमा दुईं गोल थपे । त्यसैगरी जर्सी नं. १० का निर दुराले ३९औं मिनेट र जर्सी नं. १४ का विनोद दुराले ५५औं मिनेटमा गरेका थिए ।
त्यसैगरी दिउँसोको खेलमा किरात राई स्पोर्टस् एसोसियसनलाई लिखु भुजी रामेछाप क्लब ०–१ गोल अन्तरले जित हात पारे । लिखु भुजीका जर्सी नं. ११ का अर्जुन गुरुङले खेल शुरु भएको ४ मिनेटमा गोल गरेक थिए । वर्षातका कारण मगर फुटबल टिम र मंगोलियन युथबीचको खेल स्थगित गरिएको छ । आजको खेल वर्षात नभएमा मगर फुटबल टिम र मंगोलियन युथ, सुनुवार विद्यार्थी समाज र मंगोलियन ग्रुप, सुनुवार सेवा समाज ललितपुर र आयोजक तथा रस्नालु युनाइटेड र नेवा युथबीच खेल हुनेछ ।

सुनुवार डट ओआरजी समाचारदाता ।
ललितपुर, बैशाख २७ । किरात कोइँच स्पोर्टस् क्लबले दोस्रो आदिवासि जनजाति कप २०७३ आयोजना गरेको छ । जसमा १६ टिमले भाग लिएकाछन् । प्रतियोगितामा पहिलो खेल पुन कमूनिटी र वालीङ यूथ बिच भएको थियो । वालीङ यूथले पहीले १४ मिनेटमा कर्नर किकबाट सिधै गोल गर्न सफल भएको थियो भने १६ मिनेटमा नै पुन कमूनिटीले फर्काउन सफल भएको थियो ।
निर्धारित समय सम्म १, १ गोल भएको हुनाले नतिजाको लागि पेनाल्टि सुटआउट भएको थियो जसमा वालीङ यूथले ४ मा ४ गोल र पुन कमूनिटीले ४ मा २ गोल भइ वालीङ यूथ पहिलो चरणमा विजय हुन सफल भएको थियो । भोलीको खेल सुनुवार अञ्चल यूथ सँग सुनुवार सेवा समाज भक्त्तपुर , दुरा समाज सँग सुनुवार सहकारी, लिखु भूजी सँग किरात राई स्पोर्ट समाज र मगर फूटबल टिम बिच मंगोलियन यूथ बिच हुने छ ।

सुनुवार डट ओआरजि समाचारदाता ।
२६ बेशाख, काठमाण्डौं । सुनुवार सेवा समाज केन्द्रीय समितिको नवौं सम्मेलन सम्पन्न भएको छ । विभिन्न जिल्ला , नगर, गाउ र विदेशमा रहेका बैधानिक प्राप्त समितिका प्रतिनिधहरुका बिच भएको छ । जसमा अध्यक्ष , माहसचिव, सचिव, कोषाध्यक्ष र सदस्यहरु निबिरोध हुनुभएको थियो भने उपाध्यक्षमा शान्तकुमारी सुनुवार, किरण मुखिया सुनुवार, अमृत बहादुर सुनुवार र मोहन सुनुवार बिच चुनाव भै शान्तकुमारी सुनुवार, किरण मुखिया सुनुवार र अमृत बहादुर सुनुवार चुनिनु भएको छ ।

 
सुनुवार सेवा समाज केन्द्रीय समिति नवौं सम्मेलनबाट नब निर्बाचित पदाधिकारीहरु
१. अध्यक्ष  :  रणबिर सुनुवार
२. उपाध्यक्ष : शान्तकुमारी सुनुवार
३. उपाध्यक्ष : किरण मुखिया सुनुवार
४. उपाध्यक्ष : अमृत बाहादुर सुनुवार
५.माहसचिब : समीर मुखिया सुनुवार
६. सचिव  : उत्तम कुमार सुनुवार
७. कोषाध्यक्ष  :  शोभा सुनुवार
८. सदस्य  :  किशोर कुमार सुनुवार
९.               जीवन कुमार सुनुवार
१०.             चम्पक सुनुवार
११.             दिपा सुनुवार
१२.            आशिष सुनुवार
१३.            देब कुमारि सुनुवार
१४.            महेन्द्र बहादुर सुनुवार
१५.            रमेश कुमार सुनुवार
१६.            रेवती रोमन सुनुवार
१७.           बुद्धी बहादुर सुनुवार
१८.           टंक कुमारी सुनुवार
१९.            ज्योती सुनुवार
२०.           सागर कृष्ण सुनुवार
२१.          सुरज सुनुवार

सुनुवार डट ओआरजि समाचारदाता
2073/Baisakh, Ilam

आदिवासी जनजाति कोइँच सुनुवारको प्रतिनिधिमुलक संस्था सुनुवार सेवा समाजको राष्ट्रिय सम्मेलन यही आउने वर्ष २०७३ वैशाख २४ र २५ गते स्थापना दिवसको अवसरमा भव्यरुपमा हुने भएको छ । देश तथा विदेशका प्रतिनिधि तथा पर्यवेक्षक गरी लगभग ३ सय भन्दा बढी कोइँचहरु जम्मा हुने जानकारी महासचिव तथा संगठन प्रमुख समीर मुखिया सुनुवारले जानकारी दिनुभयो । राष्ट्रिय सम्मेलनमा सुनुवार सेवा समाजको जिल्ला, नगर, गाउँ समितिबाट १ महिला अनिवार्यसहित ३ जना प्रतिनिधि हुनुपर्ने समाजको विधानमा उल्लेख छ । यस वर्ष विदेशस्थित सम्पर्क समितिहरु कतार, दुबई, साउदी, मलेसिया, कोरियाबाट पनि एक एक प्रतिनिधि र सुनुवार समाज, हङकङ, किरात सुनुवार सेवा समाज बेलायत, सिक्किम मुखिया सुनुवार कोइँचबु, भारतीय सुनुवार समाज दार्जिलिङ, खरसाङबाट पनि पर्यवेक्षक बोलाइने जानकारी प्रथम उपाध्यक्ष रणवीर सुनुवारले बताउनु भयो ।
२८ औं स्थापना दिवसको पावन अवसरमा सम्पन्न गर्न लागिएको सो सम्मेलनमा विभिन्न संस्था र व्यक्तिहरुलाई पनि सम्मान गरिने अध्यक्ष मनप्रसाद सुनुवारले जानकारी गराउनु भएको छ । विनासकारी भुकम्पको वेला सहयोग गर्ने संस्था किरात सुनुवार सेवा समाज बेलायत, सुनुवार समाज हङकङ, सुनुवार सेवा समाज कतार, सुनुवार सेवा समाज मलेसिया, सुनुवार सेवा समाज इलाम जिल्ला समितिलाई कदर पत्रसहित सम्मान गरिने भएको छ । त्यस्तै गरी खेलकुदको क्षेत्रबाट सुनुवारको नाम उच्च राख्ने खेलाडीहरु भावना सुनुवार स्क्वायसमा साग गेममा कास्य पदक विजेता, वेद सुनुवार र उपेन्द्र सुनुवार अन्तराष्ट्रिय म्याराथुनमा प्रथम, गोमा सुनुवार गंगा सागर कायक प्रतियोगितामा प्रथम त्यस्तै गरी विभिन्न मार्सल आर्टमा पदक विजेता खेलाडीलाई पनि सम्मान गरिने भएको छ ।
जिम्मेवारी सुम्पिएअनुसर विभागीय कामका संयोजकहरुले कार्यक्रम के के, कसरी गर्ने भन्ने खाका पेश नगरेको भए तापनि भव्यरुपमा झाँकीसहित सम्मेलन गर्नका लागि अनुमानित ७ लाख खर्च लाग्ने जानकारी कोषाध्यक्ष तथा आर्थिक विभागीय प्रमुख उत्तम सुनुवारले जानकारी गराउनुभयो । यसको लागि विभिन्न कोइँच दाताहरुको भर पर्नु बाहेक अर्को विकल्प नरहेको पनि उहाँले बताउनुभयो । यसको लागि संस्थाको पदाधिकारीलाई रु. दश हजार, सदस्यहरुलाई पाँच हजार, जिल्ला समितिलाई रु. पच्चिस सय, गाउँ समितिलाई रु. एक हजार र विदेशस्थित सम्पक समितिलाई रु. पाँच हजार दायित्व तोकिएको पनि उहाँले जानकारी गराउनु भयो ।
स्वयम्सेवक, बास तथा भान्सा व्यवस्थापनमा मोहन, प्रेम, नारायन सुनुवार, झाँकी तथा संस्कृति व्यवस्थापनमा अमृत सुनुवारलाई जिम्मेवारी सुम्पिएको सचिव अमरदिप सुनुवारले जानकारी गराउनु भयो ।
एकातिर सुनुवार सेवा समाजले उठान गरेको वल्लो किरात स्वायत्त प्रदेशलाई संविधानसभाले सम्बोधन नगरेको अवस्था छ भने संस्थाभित्रकै पदाधिकारी र सदस्यहरुमा आदिवासी जनजातिको अधिकार सम्बोधन भएको भन्नेहरु पनि रहेको हुँदा ९ औं राष्ट्रिय सम्मेलनले अब आउने कार्य समितिलाई के कस्तो जिम्मेवारी सुम्पिने हो खासै निक्र्यौल नभएको अवस्था पनि देखिन्छ । अहिलेसम्म सडक र सदनमा उठेका कुरा अधुरै राखेर वर्तमान एकल जातीय बाहुनवादी सरकारसँग सती जाने निर्णय हुन्छ कि आदिवासी जनजाति सुनुवारको हक अधिकारको लागि निरन्तर वहस पैरवी गर्ने घोषणा हुन्छ हेर्न भने बाँकी नै छ ।

–सुनुवार डट ओआरजि समाचारदाता
“जबसम्म राजनीतिक रुपमा सचेत हुँदैनौं हामीले जतिसुकै साँस्कृतिक प्रशिक्षण लिए पनि काम छैन । राजनीति भनेको शक्ति हो । साँस्कृतिक चेतले मात्र शक्ति सञ्चय हुँदैन । राजनीति गर्नु भनेको शक्ति प्राप्त गर्नु परेको हो ।” सुनुवार सेवा समाज बेताली रामेछापले दुईदिने ढोल बजाउने तालिम तथा साँस्कृतिक अन्तरक्रिया समापनलाई सम्बोधनक्रममा कोइँचबु काःतिचले बताउनु भयो । गत केही हप्ता अगाडि कोइँच फुटबल टुर्नामेन्ट सम्पन्न गरेको सुनुवार सेवा समाज बेतालीले आउँदै गरेको शाँदार पिदारलाई लक्षित गरेर ढोल बादन प्रशिक्षण तथा समसामायिक अन्तरक्रिया गरेको छ ।
“जब कानुन नै विभेदकारी हुन्छ अनि देशका जनताले दुःख पाउँछन् । वर्तमान संविधान कोइँचको मानवाधिकार विरुद्धमा छ । यो देशको राजनीतिक परिवर्तनमा सुनुवारले ठूलो योगदान दिएको छ । तर हामीलाई राज्यबाट उत्पीडनमा पारिएको छ । खस भाषा, हिन्दू धर्मका लागि राज्यले लगानी गरेको छ तर हाम्रो भाषा, संस्कृति जोगाउन भने हामी आपैंmले खर्च गर्नु पर्ने कस्तो विडम्बना ?” रमेशकुमार सुनुवार, सुनुवार सेवा समाज जिल्ल समिति रामेछाप अध्यक्षले बताउनुभयो ।
दुई दिने प्रशिक्षणमा ढोलहरुको नाम, ढोलको ताल आदि सिकाइयो ।
“देश अहिले संकटमा गुज्रिएको छ । यो संकट भनेको नेपालका खस बाहुनहरुले ल्याएका हुन् । यसमा हाम्रै केही परम्परागत वाहुनवादी मान्छेहरुको पनि सहमति रहेको देखिन्छ । नेपालको संविधानले कोइँचको भाषिक, साँस्कृतिक, प्राकृतिक अधिकार खोसेको छ । कोइँचको मानवाधिकार खोसेको छ । यो संविधान कोइँचको विरुद्धमा छ । यसको लागि हामी सबै एकजुट हुनु पर्छ ।” सुसेस संस्कृति तथा अनुसन्धन विभागीय प्रमुख अमृत सुनुवारले भन्नुभयो ।
उक्त कार्यक्रममा नेपाली काँग्रेसका रामचन्द्र बस्नेत, एमालेका यसोदा घिमिरे समेतले आफ्नो भनाई राख्नुभएको थियो ।
रस्नालु, खिम्ती, नमाडी, फर्पु, बेतालीका युवाहरुको सहभागिता रहेको ढोल बादन प्रशिक्षण तथा अन्तरक्रिया कार्यक्रमको समापन गर्दै कार्यक्रमका अध्यक्ष प्रविनकुमार सुनुवारले भन्नुभयो, “हामीले हाम्रो अधिकार खोज्दा अरुको अधिकार खोसेको ठान्नेहरु धेरै छन् । तर हामीले अरु कसैको अधिकार हनन् गर्न खोजेको होइन । हाम्रो मानव अधिकार उपयोग गर्न पाउनु पर्छ मात्र भनेको हो । तर यो देशको कानुनले खस बाहुनको भाषा, संस्कृतिलाई भने प्रवद्र्धन गरिरहेको छ । हामी कोइँचको भाषा, संस्कृतिलाई एक सुका खर्च गरेको छैन । बेताली गाविसमा पनि यो स्थिति छ । गाविसबाट हाम्रो कोइँचको शाँदार थानलाई बजेट विनियोजन गर्नु प¥यो भनियो भने सबैको अनुहार कालो हुन्छ । तर यही गाविसमा त्यही पर शिव मन्दिर छ त्यहाँ भने प्रायः हरेक वर्ष गाविसको बजेट केही केही हदसम्म विनियोजन भइरहेको छ । यो विभेद हो कि होइन । हाम्रो मानव अधिकारलाई नीति निर्माण गर्दा नै देशको मुल कानुनमा सच्याइनु पर्दछ भन्ने हो । हो, यही विभेदकारी कानुनको कारण अहिले आम नेपालीले दुःख खेपीरहेका छौं । तर उल्टै हाम्रा बाहुनवादी साथीहरु मधेशी र आदिवासी जनजातिलाई आरोप लगाईरहेका छन् । आमाबुबा दिदीबहिनी दाजुभाई, अब हामी हाम्रो अधिकारको बारेमा सचेत हौं । हिजोको जस्तो हाम्रो नाम बेचेर पेट पाल्न लगाउने काम नगराऔं ।”

जीवन सुनुवार किरात
१२ चैत लप्चे गाउँ, पात्ले-८, ओखलढुंगा। बिगत १० बर्ष देखि कष्टकर जीवन बिताउदै ढुंगाको ओडारमा बस्दै आउनु भएका काली माया कोर्मोच सुनुवार ज्युलाई रोजगारको सिलसिलामा प्रवासमा रहनु भएका नेपालीहरुद्वारा आर्थिक तथा जिन्सी समान सहयोग प्राप्त भएको छ। पात्ले गाबिसको लप्चे गाउँमा जन्मनुभई सोही ठाउँमा विवाह गरि बस्नुभएका करिब ७५ बर्ष उमेरकी काली मायाको परिवार कोहि छैनन्।उनका एक छोरी र एक छोरा मध्य छोरीको बिबाह भएर नि मृत्युु भैसकेको र छोरा लामो समयदेखी बेपत्ता छन भने श्रीमानको पहिले नै मृत्यु भैसकेको हो।बिगत लामो समयदेखि एकल जीवन जिउदै आउनुभएका काली मायाको आर्थिक अबस्था सारै नाजुक र मानसिक रुपमा पनि बिक्षिप्त भएको कारण ओडारमा बसेको गाउलेहरुको भनाई छ।गाउँलेहरुले हेरचाह गर्दै रहेको अबस्थामा केही बर्ष अघि राष्ट्रिय दैनिक कान्तिपुर र शेर्पा खबर डटकममा उनको बारे समाचार प्रकाशित भएपछि जिल्ला लगायत अन्यत्र ठाउँहरुमा ध्यानाकर्षण भएको हो। समाचार सम्प्रेषण भए पश्चात् सहयोग प्राप्त हुने क्रममा हाल रोजगारको सिलसिलामा परदेशमा रहनु भएका नेपालीहरुबाट आर्थिक तथा जिन्सी समान सहयोग प्राप्त भएको छ। र हाल गाबिसमा रहेको नबज्योती बहुउद्देश्यीय युवा क्लब पात्ले अन्तर्गत रहेको “काली माया सुनुवार सरोकार समिती” गठन गरि सो समितिले रेखदेख गर्ने गरेको छ।
सुनुवार सेवा सामाज शाखा साउदी अरेबियाको सहकार्य र कतारमा कार्यरत नेपालीबाट प्राप्त सहयोग बिबरण # साउदी रियल –
१) सुसेस साउदी अरेबिया कोष -५००/-
२) गणेश कुमार सुनुवार -१००/-
३) दिनेस सुनुवार -२००/-
४) मोहन सुनुवार -५०/- जम्मा ८५०/- (रु.२४,५००/-) Read More