Archives
now browsing by author
गीता सुनुवार वचाउ अभियानलाई थाँति
सुनुवार डट ओआरजी समाचारदाता ।
सुनुवार सेवा समाज, कोलबुङ गाउँसमितिका कोषाध्यक्ष टिका सुनुवारको श्रीमती गीता सुनुवारका लागि रु. १७७, ६७० सहयोग प्राप्त भएको छ । सुनुवार सेवा समाज जिल्ला समिति इलाम र कोल्बुङ गाउँ समितिको मिर्गौला पीडित गीता सुनुवारलाई सहयोग गर्न आव्हान गरे अनुसार सुनुवार सेवा समाज जिल्ला समिति काठमाडौंका कोषाध्यक्ष रमा सुनुवारले चलाएको मृर्गौला पीडित गीता सुनुवार सहयोग अभियानका लागि उक्त रकम प्राप्त भएको हो ।
वि.पि.मेमोरियल अस्पताल धरानमा डाइलासिस गरिरहेको गीता सुनुवारलाई उक्त रकमले ३५ पटक डाइलसिस गर्न पुग्छ । हप्तमा दुईपटक डाइलसिस गर्दा पनि सो रकमले साँढे चार महिना डाइलसिस गर्न सहयोग पुग्ने भएको छ । चार महिनाभित्रमा उनको मृर्गौला फेर्न वैकल्पिक उपाय अप्नाउन सकिने सुसेस इलाम जिल्लाका अध्यक्ष तथा सुसेस केन्द्रीय उपाध्यक्ष किरण मुखिया सुनुवारले बताउनु भयो । उहाँ अगाडि थप्नुहुन्छ, सुनुवारलाई आपतविपत पर्दा सबै सुनुवार चुप लागेर बस्न सक्दैनन् । कुनै पनि सुनुवारलाई परेको चोट प्रति सुनुवारहरु सबैको मनमा चोट लागेको अनुभूत गर्नु सकारात्मक कुरा हो । यही अनुभूतिले मर्महत भएर देशविदेशबाट सहयोग गर्नु हुने सम्पूर्ण सहयोगदाताहरुमा इलाम जिल्ला सुनुवार सेवा समाज तथा कोल्बुङ गाउँ समितिको तर्पmबाट हार्दिक धन्यवाद ज्ञापनसहित गीता सुनुवार बचाउ अभियानलाई यहीँ थाँति राखेको जानकारी गराउँदछु । मृर्गौला प्रत्यारोपण गर्नको लागि आर्थिक अभाव भएको खण्डमा हामी फेरि पनि यहाँहरुको माया ममतालाई उच्चा कदर गर्दै सार्वजानिक आव्हान गर्ने छौं । Read More
लोककवि गणेशलाल श्रेष्ठको नाममा अक्षयकोष
सुनुवार डट ओआरजि समाचारदाता ।
लोककवि गणेशलाल श्रेष्ठको नाममा पाँच लाख रुपैँयाको अक्षयकोष स्थापना गरिने भएको छ । लोककवि गणेशलाल श्रेष्ठको एक सय पाँच औं जन्मजयन्तीको अबसरमा हेटौंडामा आयोजित साहित्य गोष्ठीमा यस्तो जानकारी दिईएको हो । लोककवि श्रेष्ठको छोरा केशवलाल श्रेष्ठले साहित्य गोष्ठी गरिएको प्रति धन्यवाद व्यक्त गर्दै कोष सञ्चालन गर्न रकम उपलव्ध गराउँने घोषणा गरे ।
कार्यक्रम नेपाल भाषा खलः, मकवानपुरले आयोजना गरेको हो । कार्यक्रम भीम बिराग संगित साहित्य कला प्रतिष्ठानका अध्यक्ष तुल्सी थापाको प्रमुख आतिथ्य तथा नेपाल भाषा खलः मकवानपुरका अध्यक्ष मंगलकृष्ण मानन्धरको अध्यक्षतामा भएको थियो ।
कार्यक्रममा साहित्यकारहरु राजबावु पहाडी, देवराज खरेल र नियमराज शाक्य निर्णायक रहेका थिए । कार्यक्रममा अनिता न्यौपाने, गणेशकुमार श्रेष्ठ, योगेश्वर श्रेष्ठ, ओमप्रकाशबावु मल्ल, सुनकुमार मानन्धर, राजकुमार लामिछाने, उमेश तिमल्सिना, शंकरमान श्रेष्ठ र नारायणबहादुर श्रेष्ठले कबिता प्रस्तुत गरेका थिए । प्रथम, दोश्रा, तेश्रा कबिता बाचकलाई क्रमशः दश हजार, पाँच हजार र तीन हजार रुपैँया पुरस्कार तोकिएको थियो । तर प्रतियोगी कबिता चार वटा मात्र भएको भन्दै प्रतियोगिता पुनः पछि गर्ने बताईएको छ ।
कार्यक्रममा नेवाः देय् दबूका मकवानपुर अध्यक्ष देवप्रसाद श्रेष्ठ, नेवाः साँस्कृतिक पुचःका मकवानपुर अध्यक्ष बिष्णुगोपाल महर्जन, हेटौँडा उपमहानगरपालिकाका प्रबन्धक बीके महर्जन लगाएतले मन्तव्य व्यक्त गरे । कार्यक्रममा साहित्य संगम मकवानपुरका अध्यक्ष सुवाश खनाल, निबर्तमान अध्यक्ष आरसी रिजाल लगाएतको आतिथ्य रहेको थियो । कार्यक्रमअघि नेपाल भाषा खलःको हलभित्रमा स्थापित लोककवि गणेशलालको अर्धकदको शालिकमा पुष्पगुच्छा अर्पण गरिएको थियो ।
को हुन् त गणेशलाल ?
लोककबि गणेशलालको जन्म बिक्रम सम्बत् १९६८ साउन ७ गते मकवानपुरको भिमफेदीमा भएको थियो । सानैदेखि साहित्यप्रति रुची भएका उनले पहिलो कृतिको रुपमा नेपाली भाषामा भजनगित संग्रह मेरा दुई पुष्पाञ्जली(१९९९), दोश्रो कृति भजन, ब्यङ्ग्य, गित नेपाल भाषामा निफ्वः स्वाँ(२०१३), तेश्रो नेपाल भाषामा लोकं ह्वागु म्ये(२०४६) र मृत्युपर्यान्त अन्तिम निफ्वः स्वाँ म्येचा(२०५८)मा प्रकाशित भएको थियो । त्यस्तै उनको नेपाली भाषामा एक सय ३५ गित÷कबिता संग्रहको पर्खाईमा छ । उनको “भिमफेदी बजार कस्तो भयो हाल……”, “पहिले छोरा थियो, अहिले बावु भईयो अब बाजे हुने पालो ……” बोलको गित २०३३÷३४ सालमा चर्चित रहेको नेपाल संगित समाज मकवानपुरका संयोजक प्रमेन्द्र महर्जन बताउँछन् । उनका अनुसार गित रचना, संगित, गायनसँगै मञ्च तथा सडक नाटकमा समेत सशक्त अभिनय क्षमता गणेशलालमा थियो । लोक साहित्य परिषदले मणोपरान्त २०५६ सालमा श्रेष्ठलाई लोककविको उपाधिसहित सम्मान गरेको थियो ।
लोककवि गणेशलालको श्रीमती नारायणदेबी, छोराहरु सागरलाल र केशबलाल तथा छोरीहरु बिमलादेबी, कमलादेबी र देबकी रहेका छन् । २०४२ साल साउन ९ गते उनको जण्डिसका कारण हेटौंडामा निधन भएको थियो ।
विश्व आदिवासी दिवसको मुल नारा : शिक्षामा आदिवासी जनजातिको अधिकार
एउटा नटवर लालको अवसान पश्चात ढटुवारलालको शासन शुरु ?
-शंकर लिम्बु.
केपी नम्बर वान नटवरलाल देखिए । नटवारलाल भन्ने धुर्त ठग रहेछ । ठगीको अपराधमा जेलको सजाय मुक्त भएर जेल बाहिर आउँदा जेलरलाई नै जेल विक्रि गरेर ठग्ने काम गरे जसले नटवरलाल चर्चित भए जस्तै के पी ले झुटमुठको खेतिले जनता र देशलाई अन्तत्व ठग्न कुनै कसर राखेका छैनन् । पछि थाहा हुँदै जानेछ असली कुराहरु ।
म मधेश आन्दोलनको मानव अधिकार अनुगमनको सिलसिलामा भारदह जहाँ निर्दोष राजिव राउतलाई गोली हानेर मारिएको थियो सुरक्षाकर्मीहरुबाट । त्याँहा जनताले मार ओली मार कति मार्छस् मधेशीलाई भन्दै जनताले आक्रोस् व्यक्त गरेको अझै ताजै छ मेरो मश्तिष्कमा । भदौ ७ को कैलाली घटना पछाडी थारुहरुलाई घरघरबाट लखेटेको, झुट्टा मुद्दा लगाएको थारु भएकै आधारमा अपराधी जस्तो व्यवहार गरेको । निर्दोष ५८ जनालाई ज्यानमुद्दा, ज्यान मार्ने उद्योग र ढाका मुद्दा लगाईएको छ । १२३ जनाको नाममात्र फरार सूचीमा छ । जो पायो त्यसलाई समात्न मिल्ने गरी मुद्दा बनाएर राज्य आतंक सृजना गरेको छ कैलाली र टिकापूरमा । हो ७ जना प्रहरीको दुखद मृत्यू भएको छ । तर कसरी त्यो घट्ना घट्यो राज्यले स्वतन्त्र आयोग हालसम्म बनाएको छैन । बास्तविकता आजसम्म ल्याइएको छैन । किन विना तयारी सुरक्षाकर्मी पठाइयो त्यस ठाउँमा वा त्यसभन्दा पहिला कहिल्यै नघटेको घट्ना किन त्यस दिन नै घट्यो ? शान्तिपूर्ण आन्दोलनमा कसरी त्यसतो घट्ना घटयो? कतै धानखाने मुसो चोट पाउने भ्यागुतो त भएको छैन ? राज्य यसरी लागेको छ थारुको विरुद्धमा मानौ थारु भएर जन्मनै नै यो देशमा अपराध हो ।
संविधान बनेपछि राज्यले निर्दोष मधेशी जनताहरुको ज्यान लिएको छ । बालबालिकामाथि गोली प्रहार भएको छ । यी घटना अन्तराष्ट्रिय कानूनको नजरमा जनसंहार र मानवता विरोधी अपराध हो । त्यसको कुनै छानवीन भएको छैन । केपीको शासन तथाकथित राष्ट्रबादको नारा उरालेर आफ्ना काला कर्तुत ढाक्नमा नै व्यस्त भए । निकै सहयोग गरे नश्लबादी मिडिया र पक्षपाति हरुले । ती नश्लबादको पृष्टपोषण गर्ने आदिवासी र मधेशीहरु पनि त्यतिकै रहे को को रहे? भखैरै सदनमा रोदन गर्नेहरु हेर्दा निकै रहेछछन् बागडबिल्लाहरुभन्ने थाहा पाइयो ।
तर आदिवासी जनजाति र मधेशीको कत्लेआम गर्ने खेलमा संविधान जारी गर्न १६ बुँदे सहमति कायम गर्नेहरु (एमाले, काँग्रेस र माओबादी ) नै हुन् । त्यसैले त यो संविधान तीन पार्टीको संविधान हो जनताको होइन ।
माओबादी जनयुद्धका महानायक पुष्पकमल दाहाल कसैका लागि मसिहा होलान् । राम्रा काम पनि गरेका होलान् । तर आदिवासी जनजाति र मधेशीलाई धोका दिएकै हुन् । जनयुद्धताकाका मुद्दा छाड्ने र ३३ दलीय गठबन्धनलाई लत्याएर आफ्ना अनुजहरुसँग घाँटी जोडेका पुष्पकमल अहिले फेरि आदिवासी जनजाति, थारु र मधेशीका कुरा उठाएका छन् अविश्वासको प्रस्तावमा । तर त्यो तपसीलमा राखिएको छ मुख्य एजेण्डामा होइन । उनै हुँदैछन् प्रधानमन्त्री काँग्रेसको समर्थनमा । ब्यक्तिगतरुपमा मान्छेहरु ठीकै होलान् तर राजनीतिकरुमा केपी नटवरलाल हुन भने पुष्पकमल दाहाल ढँटवरलाल हुन् ।
उनी पछि शेरबहादुर देउबाको पालो रे प्रधान मन्त्री हुने । यो बाहुन क्षेत्रीको राज निरन्तर नै जाने भएकोले आदिवासी जनजाति र मधेशीले के पाउँछन् हेर्न बाँकी नै छ । थारुहरुको मुद्दा झन पेचिलो हुनेछ । किनकि शेरबहादुर देउवा र माओबादीका लेखराज भट्ट नै हुन थरुहट विरुद्ध अखण्ड शुदुर पश्चिमका पक्षपातिहरुलाई ताउ दिने । कहिलेसम्म हो नटरवलाल र ढँटवारलालहरुको शासनको घनचक्करमा पर्ने आदिवासी जनजाति र मधेशीहरु ?
सम्पुर्ण साउदी वासी दाता सुनुवार बन्धुहरुलाई आभर
रामेछाप जिल्ला खिम्ती गा.वि.स.का अग्नि पीडितहरुलाई प्राप्त सहयोग रकम सुनुवार सेवा समाज,रामेछाप मार्फत खिम्ती पुगि पीडितहरुलाई वितरण गरियो ।
सुनुवार सेवा समाज,रामेछाप र सुनुवार सेवा समाज,केन्द्रीय समितिको सहयोग आव्हानमासु.से.स. साखा साउदी को पहलमा प्राप्त सहयोग रकम ५०,०००/- र सुनिल मुखिया सुनुवारको ममतामयी आमा सुनिता मुखिया सुनुवारको सम्झनामा १,०००/- रकम सुनुवार सेवा समाज,जिल्ला समिती रामेछाप मार्फत पिडित रामबहादुर सुनुवार, हर्कबहादुर सुनुवार , सोमबहादुर सुनुवार र टुकबहादुर सुनुवारलाई उक्त रकम खिम्ती गा.वि.स.मा वितरण सम्प
न्न गरियो । सहयोगी हातका सम्पुर्ण साउदी वासी दाता सुनुवार बन्धुहरुलाई आभर व्यक्त सहित मुरि मुरि धन्यबाद दिन चाहान्छौ ।
चेरेदुमिन !!!
अग्निपीडितलाई साउदी अरेवियाकाबाट सहयोग
-कोइँचबु काःतिच
अग्निपीडित रामेछाप खिम्ती गाविसका सुनुवार परिवारलाई आर्थिक सहयोग उपलब्ध भएको छ । साउदी अरेवियाका सुनुवार सेवा समाजको पहलमा साउदी अरेवियामा कार्यरत सुनुवारहरुले एक मुष्ट रकम रु. ५०,००० (पचास हजार) सहयोग गरेका हुन् । सुनुवार सेवा समाजको कोषाध्यक्ष शोभा सुनुवारले रामेछाप खिम्तीका अग्निपीडित सुनुवारलाई उपलब्ध गराउन सुनुवार सेवा समाज केन्द्रीय सदस्य तथा रामेछाप जिल्ला अध्यक्ष रमेशकुमार सुनुवारलाई हस्तान्तरण गर्नुभएको छ । आजै रामेछाप मन्थली जानु भएका सुसेस रामेछाप जिल्ला अध्यक्ष सुनुवारले भोलि नै खिम्ती पुगेर पीडितहरुलाई सहयोग रकम उपलब्ध गराउने बताउनु भएको छ । अग्निपीडितहरुलाई सहयोग रकम उपलब्ध गरेको तस्वीरसहितको रिपोर्ट सहयोग रकम वितरण गरेपछि केन्द्रीय समितिलाई उपलब्ध गराउने र केन्द्रीय समितिले साउदी अरेवीय सुसेसलाई जानकारी गराउने कोषाध्यक्ष शोभा सुनुवारले बताउनु भएको छ ।
अग्निपिडीतहरुको सहयोगका लागि सुनिल मुखियाले पनि रु. १००० (एक हजार) सहयोग गर्नुभएको छ । अग्निपीडितहरुलाई सहयोग गर्ने दाताहरुको नामावली यस प्रकार रहेको छ ः 
नाम–सि फु (पिरतीका फु)
बल्ला फक्रियो पिरतीको पूmल नाम–सि फु । एक वर्ष नै लाग्यो पिरतीको मुना फुल बन्न । अब चलचित्र सुटिङको तयारीमा । ७ वटा गीतको सँगालो नाम–सि फुमा शिव, शिशिर, महेश, काःतिच, पाम, लेखबहादुर, कोर्मोच अरुण, बबिता, सर्मिला, रमिला सुनुवारको स्वर समेटिएको छ । सलाक, ठाडो भाका (रामदले), टुङ्ना, बास्सैबाजा र पूर्वेली मारुनीको जुवारी लगायत शिर्ष गीत लोक आधुनिकमा गाइएको छ ।
अब बजारमा चाँडै आउँदै छ ।