वल्लो किरात स्वायत्त प्रदेशले संविधान सभा घेराउ

चुप्लु दाम्लोच

१२ जेठ, यालाखोम । सुनुवार सेवा समाज, सुनुवार विद्यार्थी समाज, सुनुवार महिला समाज र अन्य आदिवासी जनजाति संस्थाहरुलगायत वल्लो किरात स्वायत्त प्रदेशको लागि संघर्षरत वल्लो किरात संघीय राज्य परिषदले संविधान सभा घेराउ कार्य शुरु गरेको छ । संविधान सभा नयाँ वानेश्वरको शंखमूल जाने सडकमा धर्ना कार्यकारम आयोजना गरिएको छ । भोलि पनि सोही स्थानमा धर्ना कार्यकाराम हुने छ । यसको लागि सुनुवार सेवा समाजका अध्यक्ष मनप्रसाद सुनुवारले संविधान सभा घेराउको लागि भोलि पनि उपस्थित हुन हार्दिक अनुरोग गरेका छन् ।

नेपाल आदिवासी जनजाति महासंघबाट जारी सूचना :

जेठ १३ र १४ संविधानसभा घेराउ र सडक प्रर्दशन
आदिवासी जनजाति संयुक्त संघर्ष समितिको कार्य समितिको वैठक आज मिति २०६९ जेठ ११ गते काठमाडौमा संम्पन्न भयो । वैठकले जेठ ६ गतेको जनप्रर्दशन र जेठ ७, ८ र ९ गतेको नेपाल बन्दको समिक्षा गर्नुको साथै जेठ १४ गते सम्मको कार्यक्रम घोषणा गरेकोछ । काठमाडौ र बाहिरी जिल्लाहरुमा जेठ ६ गतेको जनप्रर्दशन मसाल जुलुस र जेठ ७, ८ र ९ गतेको तिन दिने नेपाल बन्द पूर्ण सफल, उत्कृष्ट एवं विशाल मानव सागर सहभागी आदिवासी जनजाति ऐतिहांसिक आन्दोलन र नेपालको सन्र्दभमा जनआन्दोलन दोश्रोको रुपमा परिभाषित गरियो । आन्दोलनमा भाए सवल पक्षहरुलाई पूँजीकृत गर्दै र भएको कमिकमजोरलाई सुधार गर्ने प्रतिवद्धता व्यक्त गरियो ।

भावि कार्यक्रमको सन्र्दभमा
नेपाल सरकार र संर्घष समिति बीच भएको ९ वुंदे सझौता कार्यान्वयन गराउन, जातिय पहिचानको आधारमा राज्यको पुनसंरचना गराउन र जातिय पहिचानमा आधारित संघीयता सहितको संविधान जेठ १४ गते भित्र जारी गराउन दवाव दिने उद्देश्यले जेठ १३ र १४ गते काठमाडौ उपत्याकामा संविधानसभा घेराउ र बाहिरी जिल्लाहरुमा सडकमा जनप्रर्दशन गर्ने निर्णय भएकोछ ।

काठमाडौंमा संविधानसभा घेराउ र बाहिरी जिल्लामा जनप्रर्दशनलाई व्यवस्थित बनाउन जातिय संगठनका अध्यक्षज्यहरु र जिल्ला समन्वय परिषदका अध्यक्षज्यूहरुबाट समन्वयकारी भूमिकाको अपेक्ष गरिएकोछ । दुई दिनको कार्यक्रमको लागी आवश्यक पानी, टोइलेट, स्वयक सेवक, प्राथमिक ओषधी उपचार, माईक, सांस्कृतिक प्रर्दशन, गीत, कविता वाचन र वक्ताहरुको अग्रीम तयारको लागि सबैलाई हार्दिक अनुरोधछ ।

संविधानसभा घेराउ गर्ने स्थानहरुः
संविधानसभाको उत्तर पट्टी ( सिठ्ठी जुलुस बसेको स्थान) देखि पुरानो बानेश्वर चोकसम्म शेर्पा स्वायत्त प्रदेश कार्यान्वयन संर्घष समिति, लामा भोटे स्वायत्त कार्यान्वयन संर्घष समिति र हिमाली क्षेत्रका सबै आदिवासी जनजातिका जातिय संगठनहरु

मिन भवन ट्रली बसको चोक ः तामसलिङ, किराँत र लिम्बुवान स्वायत्त प्रदेश कार्यान्वयन संर्घष समिति र पहाडी क्षेत्रका आदिवासी जनजातिका जातिय संगठनहरु
कृष्ण टावर अगाडी नेवाः तमुवान र मगरात स्वायत्त प्रदेश कार्यान्वयन संघर्ष समिति र पहाडका आदिवासी जनजातिका जातिय संगठनहरु

शंखमूल तर्फको बाटोमा, थरुहट, वल्लो किराँत स्वायत्त प्रदेश कार्यान्वयन संर्घष समिति, राष्ट्रिय आदिवासी जनजाति महिला महासंघ, अल्पसंख्या सिमान्तकृत आदिवासी जनजाति सञ्जाल र तराई र भित्री तराईका आदिवासी जनजातिको जातिय संगठनहरु

पुनश्च ः आदिवासी जनजाति संयुक्त संर्घष समिति गठन नभएका जिल्लाहरुमा नेपाल आदिवासी जनजाति महासंघ जिल्ला समन्वय परिषदको नामबाट जनप्रर्दशन सम्पन्न गर्न जिल्ला समन्वय परिषदका अध्यक्षहरुलाई यो सरकुर्लर जारी गरिएकोछ ।

कृपाय यो सूचनालाई सबैलै कम्तिमा ५० जना साथीहरुलाई पठाउनुस । आदिवासी जनजातिको अधिकारको लागि जेठ १३ र १४ सबै आदिवासी घर छाडेर कार्यक्रममा सहभागी हौ ।

आङ काजी शेर्पा किसान
महासचिव
नेपाल आदिवासी जनजाति महासंघ